RSSkorn
10.6.2008 | 04:16
í órafjarlægð
frá endimörkum ómælds alheims
liggur sannleikskorn
á meðal sanda
á ströndum sjávar
alls og ekkerts
glymur í gljáfri orða
þau bærast og hrærast
innan sem utan
djásn okkar allra
þar sem
undiralda vanans berst við
öldutoppa þroskans
stígur stormurinn dans
sjóbarin andlit barna
sem þroskann þunga bera
birtast í spegli sálar
sannleikanskornið smáa
sitthvað er hægt að segja
til að lýsa degi björtum
sólargeislans eina
og ósnertanlegar stjörnur
en að feta blindann sandinn
og finna kornið eina
er gleðin ein
sem ég vil eiga
Athugasemdir
Skemmtilegt orðaval og athyglisverðar myndlíkingar, frábær lítill vorstúfur
Pétur Björn Jónsson, 10.6.2008 kl. 04:24
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.