hvítur hrafn

Ástarbjarmi
flöktir hátt
á Drottins ferðalagi
hlær og grætur
himna tárum
lífsins kertalogi

Í húmi heitu
hugsanir þjóta
á sólarljóssins hraða
sýnir þrá
og bjartar vonir
djúpt í mínu hjarta

Himingeimur
í stjörnufans
glettin eru augun
er lýsa leið
um fjöll og tinda
og sléttur tilfinninga

Byrlega brýtur
fast í vindi
dropar í köldum sjó
hryggur grætur
ástarengilll
harmar eigin orð

Týnd við erum
í dáðum draumi
andartakið eina
púkar og hlekkir
um mig dregur
ljóta andarunga

Andann dregur
veröld sé
í réttu ljósi lífsins
sjáum tár
og blómsins gleði
neistar í hjartaglóðum

Fleygt er orðið
er segir satt
sannur er hrafninn svartur
ástin er blind
og reglur brýtur
ég er hrafninn hvíti

St.C.

Athugasemdir

[Ingunn Valgerður Henriksen (IP-tala skráð) 26.1.2008 kl. 16:48]

Fallegt

[Sigurlaug B. Gröndal, 28.1.2008 kl. 20:15]

Yndislega fallegt ljóð, Steinunn. Ég var farin að sakna ljóðanna þinna á blogginu. Velkomin aftur. Endilega haltu áfram.

[Einar Bragi Bragason., 29.1.2008 kl. 23:42]

fallegt að venju

[Hdora, 7.2.2008 kl. 22:19]

Rosalega fallegt , hlakka til að lesa ljóðin þín hér á blogginu...Takk fyrir að vera bloggvinkona mín