Litur Takts Í Lífi

Verðum að passa
að týna ekki taktinum
Verðum að muna
að elska okkur sjálf
Litur þess lífs
sem við eigum aðeins nú og aðeins eitt.

Kyrrð og ró
í hjarta og sál
með gleði í huga
við áfram höldum
lögmál þess lífs
sem við lifum nú
Er að elska og vera elskuð umfram allt

Meðvitaðar tilfinningar
segja mér eitt
Auðga skal andann
til að efla okkar þroska
til að lifa og elska
bæði mig og þig, bæði nú og þá

Þú gerir eitt nú
þú gerðir annað þá
Fortíðin var..

Augnablik

..sem nú er liðið
orðið að framtíð og fortíð
í einu augnabliki.

Athugasemdir

[Sigurlaug B. Gröndal, 21.6.2007 kl. 09:12]

Einkar fallegt ljóð Steinunn og góð áminning til allra að staldra við og gæta þess að fara ekki fram úr sér. Það hef ég reynt með mikilli vinnu og hraða og það er vond tilfinning. Eins og sagt er: Staldraðu við augnablik því það er það sem þú hefur stjórn á, gærdagurinn er liðinn og honum verður ekki breytt, framtíðin er ókomin og við getum ekki stýrt því hvað hún ber í skauti sér. Augnablikið er því það dýrmætasta sem við höfum og við þurfum að njóta þess, auðga andann í kærleika og samspili við lífið og náttúruna alla menn.