RSSKreppa III
14.11.2009 | 02:01
týnd er þolimæðin
þrautir þungar
heiminn við berum sáran
djúpt við féllum
í holu dimma
finnum varla botninn
klórum hátt
í brennda veggi
vonumst eftir birtubroti
við þraukum þreytt
við lifum leið
við sjáum birtu bjarta
við getum allt
við hættum aldrei
við munum ná til baka
Bloggar | Breytt s.d. kl. 02:05 | Slóð | Facebook | Athugasemdir (1)
Dýrið
24.4.2009 | 00:08
Öreigans tilfinning
er það að vera þú
öngstræti án vonar
dýrið
það ert þú
Ég hunsa þig í draumi
en heilsa hjartans
herópi
um uppgjör mitt og mannsins
sem sálina hann beygði
en ekki braut
Bloggar | Slóð | Facebook | Athugasemdir (0)
Kreppa II
25.11.2008 | 00:22
sem allt breyttist
og æskan fór að slást við fullorðinsárin
Ég áttaði mig á því að lífið
er furðulegt eintak af óútskýranlegu ævintýri
sem engan endi tekur......
Bloggar | Breytt s.d. kl. 00:41 | Slóð | Facebook | Athugasemdir (0)
Kreppa I
25.11.2008 | 00:19
speglast í augum
barna samfélagsins
Þar sem tárin renna
kreppast tilfinningarnar saman
og um stund,
eitt augnablik,
frjósum við öll
Bloggar | Slóð | Facebook | Athugasemdir (1)
Morguninn
22.11.2008 | 11:33
Tunglið gælir við morguninn
kveður og hneigir sig
um leið
og sólin á í hatrömmu stríði
við síðustu daggardropa næturinnar
Dimman hylur sólina um stund
eins og blindum er hulin sýn
sem ekkert annað þekkir
Svartasta myrkrið,
sem kemur alltaf fyrst í mark
fellur fyrir
björtustu birtunni
Við fögnum öll
því nýja
því bjarta
því hlýja
Við fögnum öll
deginum
og kveðjum nóttina
brosandi.
Bloggar | Slóð | Facebook | Athugasemdir (1)
júlíus
3.11.2008 | 23:05
Fávís gleðin
spyr mig
"hví ekki bros"
Ég sný mér við
og gef henni
einn á'ann
Bloggar | Breytt 17.11.2008 kl. 13:53 | Slóð | Facebook | Athugasemdir (0)
vargar
3.11.2008 | 23:04
Reikulir skuggar
dansa
við gný þagnarinnar
í flauelsmjúku myrkrinu
Birtan lýsir upp
tómið í engu
og birtan rennur
saman við myrkrið
Bloggar | Slóð | Facebook | Athugasemdir (0)
Eigingirni
6.8.2008 | 18:22
Hvað þögul moldin geymir
kalið hjartað, grafið liggur
í hlekkjum andans, sálin sundrast
dreifist hátt til himna.
Agnir örsmárra tára
frýs við fegurð falda
við andadráttsins skil
kveður að lífsins kvöldi
Bloggar | Slóð | Facebook | Athugasemdir (3)
regn
28.7.2008 | 17:16
Eins og dropar
rigningarinnar
Kítla kossar þínir
varir mínar
Hver dropi, hver koss
einlæg upplifun
og aldrei eins
Tilfinningin
um eitthvað svo nýtt
sem ævinlega
hefur verið
hluti af mér, þér
og himnanna skýjum
Tár skýjanna
svo einstök og tær
en rigning sálarinnar
rennur sölt
Svo kemur hendin
og hvílir ofurlétt
á vanga mínum
og hjartans hugsunin
verður heiðskýr
og brosið ósalt
Bloggar | Breytt 29.7.2008 kl. 12:58 | Slóð | Facebook | Athugasemdir (0)
sáðlát og syndaföll
18.6.2008 | 17:16
Samdi nýjan texta við "Brim og Boðaföll" hið ágæta Þjóðhátíðarlag 2008 (Gripin eru með svo allir geti lært réttan texta fyrir þjóðhátíð)
Alltaf gaman að gera smá grín 
F C G
Bjór, lýstu mína leið
F C G
Svo meydóminn missi ég með þér
F C G
Nótt, leiðin verður greið
F C G
Mér liggur lífið á, hann vil ég ekki missa, með sjálfri mér
Viðlag:
Am F
Komin þessa leið
C G
Einfaldlega til að segja þér
Am F
Án þín væri ég ung og hrein mey
C G
En ekki þegar þú ert hér hjá mér
F C G
Fyrst er ég reyndi heitt við þig
F C G
Þá innra með mér fann, að eitthvað snerti mig
F C G
Varst það þú eða bjórinn minn
F C G
Eða var það bara litli vinur þinn
Viðlag:
Am F
Komin þessa leið
C G
Einfaldlega til að segja þér
Am F
Án þín væri ég ung og hrein mey
C G
En ekki þegar þú ert hér hjá mér
Ræfill:
Dm Am Dm
Er nóttin læðist að og í tjald þú býður inn
C G F
Þú brosir til mín eins og í fyrsta sinn
C G
Lífið byrjar hér, í mér, í Herjólfsdal
Viðlag:
Am F
Komin þessa leið
C G
Einfaldlega til að segja þér
Am F
Án þín væri ég ung og hrein mey
C G
En ekki þegar þú ert hér hjá mérBloggar | Breytt 1.8.2008 kl. 13:38 | Slóð | Facebook | Athugasemdir (5)
